))) Item number 12585, dated 95/05/25 02:43:39 -- ALL
Date:         Thu, 25 May 1995 02:43:39 +0000
Reply-To:     Seán  Mac Suibhne (SMACSUIBHNE@DIT.IE)
Sender:       Gaelic Language Bulletin Board (GAELIC-L@IRLEARN.UCD.IE)
From:         Seán  Mac Suibhne (SMACSUIBHNE@DIT.IE)
Subject:      ALT: CUMARSÁID:  Athoscailt na canála  ag mealladh na sluaite

Má  tá  ag baint taitbeamh as na h-ailt ó  Cumarsáid,  molaim
duit carta poist a sheoladh chuig

        Íte  Ní  Chionnaith
        Leachtóir  Iriseoireachta
        Institiúid  Teicneolaíochta  BAC
        DIT
        Sráid  Ainséir
        Baile Atha Cliatha 8
        Eire

Thug sí  cabhair dom na h-ailt seo a fháil  ar diosca agus táim
anna bhuíoch  di.

Seán  Mac Suibhne
SMacSuibhne@dit.ie


                    -------------------
                    | Cumarsáid  1995 |
                    -------------------

         Athoscailt na canála  ag mealladh na sluaite

                   Le IAN MAC AN PHRIORA


 Roimh Dheireadh Fómhair
1994,  ní  dhearna ach  ocht  mbád  iarracht    taisteal  ar
chanáil  Bhéal  an  Atha Móir  / Béal   Atha  Conaill. On uair
sin  i  leith, leis an ainm   nua Uiscebhealach na Sionainne
agus na  hEirne,  tá  an turas déanta  ag níos  mó  ná  3000
bád,  ag iompar timpeall 12,000  paisinéirí.


 Tosaíonn  an tUiscebhealach i sráidbhaile  Liatroma ar an
tSionainn,  ag dul trí   Cheis Charraigín,    Béal  an  Atha
Móir  agus  Béal  Atha  Conaill   go dtí  go sroicheann  sé
Loch Eirne.


 De thoradh a athoscailte, is féidir  le báid  taisteal ó
Chill Dalua   i gContae an Chláir     go dtí  Béal   Leice i
gContae Fhear Manach; achar de  300 míle.

 Thosaigh obair ar an chanáil  ar dtús  sa bhliain 1846.
Ceithre    bliana   déag   ina dhiaidh  sin, tar  éis  dul i
bhfad thar a bhuiséad,   críochnaíodh    é.  Ach bhí  a lán
fadhbanna   leis an gcanáil  nua. Bhí   cuid dá  locanna ag
déanamh    uisce  agus bhí  na bruacha ag titim  isteach  in
áiteanna.  Dúnadh   an chanáil     in 1869, naoi mbliana tar
éis  a hoscailte.


 Nuair a thosaigh athchóiriú   na canála  i 1991, bhí  ar
na hinnealtóirí12   0 bliain  de mheath a chur i gceart.  Ar
chostas  30 milliún,   déanadh   an tUiscebhealach  inseolta
arís,    ag úsáid    na bun-láthair     do  locanna   agus
droichid.

 Tháinig  an t-airgead don scéim  ó  rialtas na Breataine
agus na  hEireann, chomh  maith leis an  Aontas  Eorpach, an
Ciste   Idirnáisiúnta     d'Eirinn       agus  BSL.   Tá  an
tUiscebhealach  faoi stiúir   Oifig na nOibreacha    Poiblí
agus Roinn Talmhaíochta  an Tuaiscirt.


 Tá  comhlachtaí  báid  mar Emerald Star, Tara Cruisers
agus Carrick   Craft ag  súil  le  tuilleadh  gnó   de bharr
oscailt an Uiscebhealaigh. Tá   láthair  mhór  nua  tógtha
ag Emerald Star, an comhlacht  is mó,  i mBéal   Tairbirt, i
gCo. an Chabháin,  ar costas 2.4 milliún.  Roimhe seo,   ní
raibh an Eirne inseolta chomh fada le Béal  Tairbirt.

 Tá  dóchas  ag Paddy Ryan, bainisteoir margaíochta
Emerald  Star,  as an séasúr   atá  ag teacht. ``Chomh maith
leis an lárionad    nua i mBéal    Tairbirt, tá   saghas nua
báid    á   láinseáil     againn atá  feiliúnach    ach  go
háirithe   do  thaisteal ar chanáil'',  ar seisean.   Dúirt
sé    freisin    go  raibh    ardú  25% ar na figiúirí    d'
áirithintí   don bhliain seo i gcomparáid  leis   an bhliain
seo caite. Agus an gcabhróidh   deireadh  an fhoréigin    sa
Tuaisceart   chun  níos   mó  turasóirí    a mhealladh?``Le
deireadh   an fhoréigin,  táimid     ag   súil  le níos  mó
cuairteoirí   ón  Tuaisceart agus ón  Bhreatain,'' a dúirt
Paddy.


 Tá  súil  go ndéanfaidh  an tUiscebhealach an-mhaitheas
d'eacnamaíocht     an réigiúin.   Is iomaí  baile ar bhruach
na canála  atá   ag féachaint   i dtreo     na canála   chun
beocht nua a chur iontu.

 Is sampla maith é  Béal  an Atha Móir  i ndeisceart
Chontae    Liatroma,     baile  mór    atá    ag    súil  go
dtabharfaidh an tUiscebhealach   rathúnas    chuig  ceantar
atá   ag  fulaingt  le heisimirce   agus  laghdú    daonra.
Deireann Gay   Prior, tábhairneoir   i mBéal  an Atha Móir,
go bhfuil coinne aige le  Samhradh   an-mhaith. ``Tá  ardú
mór  gnó  tugtha  faoi deara againn   ón  am a d'oscail  an
chanáil.  Táimid  ag súil   le bliain mhór.''  Deireann  sé
freisin go bhfuil  an chuid is mó  den trádáil    go   dtí
seo ag teacht ón  líon  mór  daoine  atá   ag teacht  aníos
ón  Eirne.

 Tar éis  chomh maith is a d'éirigh  leis an Uiscebhealach
go dtí    seo, tá  sé   beartaithe  é  a dhéanamh   inseolta
chomh fada le  Cill na Seanrátha    i gContae an Chábháin,
chomh  maith  le cuan nua  a  thógáil   i mBéal    an Atha
Móir.


 CRIOCH 570 focail

===========================================================