))) Item number 12582, dated 95/05/25 02:21:08 -- ALL
Date:         Thu, 25 May 1995 02:21:08 +0000
Reply-To:     Seán  Mac Suibhne (SMACSUIBHNE@DIT.IE)
Sender:       Gaelic Language Bulletin Board (GAELIC-L@IRLEARN.UCD.IE)
From:         Seán  Mac Suibhne (SMACSUIBHNE@DIT.IE)
Subject:      ALT: CUMARSÁID:  An tóir  ar an George aerach.

Má  tá  ag baint taitbeamh as na h-ailt ó  Cumarsáid,  molaim
duit carta poist a sheoladh chuig

        Íte  Ní  Chionnaith
        Leachtóir  Iriseoireachta
        Institiúid  Teicneolaíochta  BAC
        DIT
        Sráid  Ainséir
        Baile Atha Cliatha 8
        Eire

Thug sí  cabhair dom na h-ailt seo a fháil  ar diosca agus táim
anna bhuíoch  di.

Seán  Mac Suibhne
SMacSuibhne@dit.ie


                    -------------------
                    | Cumarsáid  1995 |
                    -------------------

                An Tóir  ar an George Aerach

                 Le Jill Ní  Shuilleabháin


Suite beagnach i lár  na cathrach, tá  an teach tabhairne
"The George", ceann de na láthair  homaighnéasacha  is mo
a bhfuil tóir  air i mBaile Átha  Cliatha.

 D'aistrigh suíomh  an ``George'' i 1930 ó  chúinne
Shráid   Sheoirse Theas go dtí  Sráid    Áinséir.   Bhí   an
``George''   ina  theach    tábhairne   ón   lá  sin. Teach
cónaithe  ba ea é  roimhe sin.


Cheannaigh fear an tí    reatha,
Cecil   O' Brien,  an  ``George'' deich mbliana ó  shin. Ní
bhíodh  na homaighnéasaigh  ag  teacht  le chéile  ach ar an
dara hurlár   ach bhí  tóir  chomh   mór  sin  ag an bpobal
homaighnéasach       ar an ``George''   gur    fhág   daoine
heitrighnéasacha  é.


 Is féidir  le 500 duine teacht le chéile  ann anois, agus
is daoine ``aeracha '' a bhformhór.


 Labhair Cecil O' Brien linn faoin ``pink pound'',  nó  an
fiúntas        eacnamaíochta    atá    le fáil  as an bpobal
homaighnéasach.

Is fear gnó  é  Cecil  O'Brien, duine a chonaic faill ghnó
i rith  na   n-ochtóidí    agus   a chuaigh  sa  tóir  ar an
bhfaill sin.


 Bliain go leith ó  shin, deineadh athchóiriú   ar an
taobh istigh agus  anois tá   urlár  ``heavy metal''    ann,
chomh maith le dhá   sheomra eile.   Is é  an leasainm ar an
dara   ceann ná  ``Jurassic    Park'' mar  bíonn   na daoine
``aeracha'' a bhíonn  ag ól  ansin níos  sine.


 Tá  a fhios againn go bhfuil sé  níos  ``cool'' anois
bheith homaighnéasach  ná  mar   a bhíodh.  Chuir mé   ceist
ar  fhear  an  tí   faoi impleachtaí  an dearcaidh nua  don
ghnó.


 Ní  fhaca Cecil O' Brien toradh mór  gnó  tar éis
dlisteanú  oifigiúil   homaighnéasacht.  Bíonn  páistí   ag
cur a gcinn   timpeall   an dorais   fós,     ag screadaíl
``steamers!!'' agus a leithéid.

Tá  an  t-am  imithe,  áfach,  nuair  a chuireadh rudaí  mar
seo isteach ar fhormhór   na ndaoine aeracha.


 Tá  tacaíocht  mhaith le fáil  anois ag an homaighnéasach
atá     ag ``teacht  amach''.    Scéim  amháin  atá  ann ná
``Tell-a-Friend  ''. Is féidir   le duine caint faoin  méid
atá   á   fhulaingt aige agus sórt   cara  a bheith aige nó
aici  chun  dul  an  chéad  uair  go  dtí  teach tábhairne
homaighnéasach.


 Is áit  mhaith chompordach an ``George'' le hatmaisféar
cairdiúil  ann chun an chéad  deoch sin a ól.




===========================================================