) Print 003529
))) Item number 3529, dated 92/03/20 22:50:00 -- ALL
Date:         Fri, 20 Mar 92 22:50:00 GMT
Reply-To:     GAELIC Language Bulletin Board (GAELIC-L@IRLEARN)

Sender:       GAELIC Language Bulletin Board (GAELIC-L@IRLEARN)
From:         "Seán  Mac Suibhne" (SMACSUIBHNE@DIT.IE)
Subject:      Alt: Votaí  do Eisimircigh.

Seo alt eile ón  Socialist Voice.

Foclóir  ag bun na h-ailte.

=========================================================================


             Cúpla  mí  ó  shin bhí  fógra  sna nuachtáin  ó 
            Ambasáid  na Bulgáire  ag meabhrú  do shaoránaigh  na
            tíre  sin go mbeadh vóta  acu i dtoghchán  na
            huactarántachta  thall agus á  gcur ar an eolas maidir
            leis na socruithe.


            Meabhrú  é  dúinn  féin  ar cé  chomh mór  taobh thiar
            agus atá  Éire  maidir le cearta polaitiúla  eisimireach.
            Léirigh  suirbhé  a rinne Glór  an Deoraí  Irish
            Emigrant's Voice anuraidh go raibh réiteach  éigin 
            déanta  faoi choinne deis a bheith ag eisimircigh vóta  a
            chaitheamh i ngach ballstát  den CE, seachas Éire. 
            Deir Glór  an Deoraí  go bhfuil buanchónaí   ar 111,000
            saoránach  Éireannach  thar lear muna gcuirtear san
            áireamh  ach daoine a d'fhág  na 26 Chontae le fiche
            bliain anuas.

            Is i Sasana, in Albain agus sna Stáit  Aontaithe atá  an
            chuid is mo de na hÉireannaigh  seo ach tá  cónaí   ar
            mhéid  sontasach dár  muintir san Astráil,  sa Nua-
            Shéalainn,  i gCeanada, sa Bhreatain Bheag agus
            ar an mór-roinn  freisin. Tá  éileamh  á  dhéanamh  ag
            cuid de na daoine seo le fada le go mbeadh vóta  acu i
            dtoghcháin  Éireannacha.  Tá  borradh faoin bhfeachtas
            seo sna Stáit  Aontaithe go háirithe.  Bíonn  anfhreastal
            ar chruinnithe, ar cheolchoirmeacha agus ar dhinnéir  a
            bhíonn  á  reachtáil  ag an Irish Emigrant Vote Campaign.

            Feachtas neamhpháirtioch  atá  sa ghluaiseacht ar an dá 
            thaobh den Atlantach agus tá  sé  sin an-tábhachtach. 
            Tá  leisce ar pholaiteoirí  vótaí   a ghéilleadh  do na
            heisimircigh mar go bhuil faitíos  orthu go rachadh
            rabharta feirge lucht an bháid  bháin  i bhfeidhm go mór 
            ar thoradh olltoghcháin.  Ar an taobh eile den scéal 
            níl  aon chruthú  ann go vótálfadh   an pobal thar lear
            ach mar a vótálann   a ndeartháireacha  agus
            deirfiúracha  sa bhaile ná  go ndéanfaidis  difríocht 
            don phátrún   vótála.  

            Níl  vótaí   d'eisimircigh á  lorg ar bhonn polaitiúil 
            ach ar an mbonn gur ceart bunúsach  é  do gach
            Éireannach  guth a bheith aige i dtoghchán  a bparlaimte.
            Faoi láthair  tá  cúis  dlí  á  ullmhú  ag lucht an
            fheachtais ar an mbonn nach bhfuil an séanadh  vótaí   ar
            ár  bpobal thar sáile  ag teacht le Bunreacht na
            hÉireann.  Tá  sé  i gceist a leithéid  a chur faoi
            bhráid  na hArdchúirte  agus, bealach amháin  nó  bealach
            eile is cinnte go mbeidh athbhreithniú  ar an scéal  sa
            Chúirt  Uachtarach. Má  theipeann ar an bhfeachtas ansin
            tabharfar an cheist faoi bhráid  Chuírt  na hEorpa agus
            meastar go n-éireoidh  leis an gcúis  ansin. Cosnóidh  an
            caingean dlí  seo neart airgid ach táthar  ag bailiú 
            chuige i measc na n-eisimirceach.

            Anuraidh chuir Páirtí   an Lucht Oibre bille
            príobháideach   faoi bhráid  na Dála  bille a thabharfadh
            an vóta  i bprionsabal d'eisimircigh. Ba ghránna  mar a
            chuir an Rialtas ina choinne. Pádraig  Ó  Floinn TD, Aire
            Comhshaoil ag an am (Aire Dlí  agus Cirt anois) an
            príomhurlabhraí   a bhí  ag an Rialtas sa
            díospóireacht.   Dúirt  Mac Uí  Fhloinn go raibh an
            eisimirce ag titim agus go raibh an taoide ag casadh agus
            dá  bhrí  sin nach raibh gá  leis an mBille.

            Is fíor,  ar ndóigh,  nach bhfuil an oiread céanna 
            daoine ag dul thar lear mar nach bhfuil an fhostaíocht 
            ar fáil  sna láithreacha  a mbíodh  Éireannaigh  ag dul
            chucu go traidisiúnta  ó  tá  an meathlú  faoi réim  sna
            Stáit  Aontaithe. Ach beidh an eisimirce mar ghné  de
            shaol na hÉireann  go ceann i bhfad ó  tá  breis agus 20%
            d'oibrithe na 26 Chontae dífhostaithe. 
            Scannall náisiúnta   í  an eisimirce. Scannall í  atá  i
            bhfad níos  bunúsaí   ná  na scannaill a bhfuilimid
            bodhraithe fúthu  (agus a mbaineann a nochtadh le
            mionpholaitíocht  na bunaíochta). 

            Ní  féidir  an milleán  iomlán  as an eisimirce a leagadh
            ar aon cheannaire ar leith, ar aon rialtas nó  ar aon
            pháirtí   polaitiúil  ar leith. Tá  gach rialtas ó 
            bhunú  an stáit  i leith le cúiseamh. 

            Feachtas fadtéarmach  stáit  a theastaíonn  le deireadh
            a chur le heisimirce, feachtas a bheas bunaithe ar
            pholasaithe eacnamaíocha  agus cultúrtha  a thabharfaidh
            tús  áite  do leas oibrithe na hÉireann. 

            San idirlinn is é  an t-ómós   is lú  ar féidir  linn a
            thabhairt dár  muintir thar lear ná  iomlán  cearta
            saoránach  a rathú  dóibh  agus go háirithe  an vóta  a
            thabhairt dóibh  i dtoghcháin  na tíre  seo.


            eisimirceach,                      emigrant;
            deoraí,                            exile;
            ballstát,                          member-state;
            feachtas,                          campaign;
            neamhpháirtíoch,                   non-party;
            caingean dlí,                      legal action;
            meathlú,                           recession;
            dífhostaithe,                      unemployed;
            bunaíocht,                         establishment;
            le cúiseamh,                       to chargéarraign.