) Print 001862
))) Item number 1862, dated 91/06/17 10:11:00 -- ALL
Date:         Mon, 17 Jun 91 10:11:00 GMT
Reply-To:     GAELIC Language Bulletin Board (GAELIC-L@IRLEARN)

Sender:       GAELIC Language Bulletin Board (GAELIC-L@IRLEARN)
From:         Sean Mac Suibhne (SMACSUIBHNE@DIT.IE)
Subject:      Alt: Deis caillte ag Ó  Floinn. S.V. Vol 1/5


Ba mhaith liom mo bhuíochas  a gabhail dos na daoine go léir  a chur scéal 
chugam faoi na altann ón  S.V.  Tá  áthas  orm go bhfuil an méid  sin daoine
ag baint tairbhe astu!  Má  tá  éinne  eile gur mhaith leo go gcuirfinn
an cuid eile leo go príomháideach   abair liom.  Mar a duairt duine liom
'Ní  féidir  leat "Magil" a fhail mar seo!'  Bheuil, ní  doigh liom gur
féidir  "Magil" ar chor ar bith mar tá  sé  as cló! 

( I'd like to thank all those who wrote back to me about the previous
( acticles.  It's great that so many people are reading some of them at least.
(
( This is an article complaining about the proposed changes in
( local government. There is a short dictionary at the end.
( If there are any other people who would like to get the entire issue of
( Socialist Voice by E-mail, then give me shout.
( It should at least give an other flavour of whats happening in the 'Ould Sod'.

Seán 
--------------Beginers: Skip to end for dictionary----------------------


        DEIS CAILLTE AG Ó  FLOINN

    Tá  sé  iorónta  go bhfuil córas  rialtais
    sárlárnaithe   againn sa tír  seo, tír 
ina bhfuil dílseacht  don bhaile fearainn agus
don pharóiste  anláidir  inti i gcónaí.   Is cuid
d'oidhreacht an choilíneachais  an sárlárú    sin.
oidhreacht ar chóir  a bheith réidh  léi  i bhfad
ó  shin.


 Leis na blianta tá  an uile dhuine nach mór  a bhfuil
baint aige leis an gcóras  rialtais áitiúil   ag tathant
ar an Rialtas an córas  a athrú  go bonn.  Is ábhar 
díoma  dóibhsean,  baill pháirtithe  an Rialtais san
áireamh,  gur theip ar an Aire Comhshaoil, Padraig
ó  Floinn, aghaidh a thabhairt ar an gceist san Acht
Rialtais áitiúil   a ropadh trí  thithe an Oireachtais
an mhí  seo caite gan díospóireacht   ná  scagadh
ceart.

 Ní  bheidh na  Comhairlí  áitiúla   puinn níos  freagraí 
feasta don phobal ná  ní  bheidh smacht tathagach
acu ar a gcúrsaí   féin  fós. 

 Cloífear  leis na Comhairlí  Contae. ó  tá  dílseacht 
anláidir  sa tír  do na contachta (a bhuíochas  do
Chumann Lúthchleas  Gael) déanann  sé   sin ciall
ach níl  aon leasú  déanta  ar fheidhmeanna, ar chumhachtaí 
ná  ar chóras  airgid na núdarás.    Leanfaidh siad
ar aghaidh mar ghníomhairí   na Roinne Comhshaoil
gan uathriail nó  deis ar ghníomhaíocht   neamhspleách. 

 Ós  cionn leibhéal  na gcontaetha beidh údaráis  
réigiúnacha   ach ní  léir  céard  iad na feidhmeanna
nó  cumhachtaí  a bheas acu.

 Níl  socrú  san Acht do chomhlachtaí  rialtais faoi
bhun leibhéal  na gcontae.  Sin an áit  is mó  a bhfuil
gá  le comhairlí  tofa.

 D'fhéadfaí   a leithéid  a bhunú  ar phobail a bhfuil
ceangal nádúrtha   ag na daoine iontu lena chéile, 
pobail ina mbeadh idir 5,000 agus 10,000 duine. Is
í  an laige is bunúsaí   sa chóras  mar atá  sé  faoi
láthair  ná  socruithe cisíochta. 

 B'ionann smacht ar chisíocht  áitiúil   a aistriú 
ón  rialtas go dtí  comhairli áitiúla   agus sumhachta   (cumhachta?)
a aistriú  chucu.  Ní  dhearna an tAcht aon iarrecht
leis an gcóras  lárnaithe  cisíochta  a athrú. 

 D'fhéadfaí   acmhainní  áirithe   ar nós  cánach 
ar mhótarfheithiclí   nó  dleacht áirithe  ceadúnais 
a athrú  go dtí  na Comhairlú  Contae. Pé  ar bith
is gá  nach mbeadh ceangal ar na comhairlí  maidir
le caitheamh cuid éigin  den airgead a bhfaigheann
siad ón  lárchiste.   Is coir treoir chinnte a bheith
sa dlí  faoi dháileadh  airgid ón  lárchiste  ar chomhairlí 
áitiúla,   ag leagadh síos  foirmle ina gcuirfí  san
áireamh  an daonra, riachtanais fhorbatha agus an
bunús  cánach  áitiúil.  

 Is mór  an tseafóid  é  go bhfuil sé  i gceist trí 
Chomhairle Contae a bhunú  i gContae Bhaile Cliath
(de bhreis ar an gComhairle Cathrach), trí  chomhairle
nach mbeidh bunaithe ar aon aonad nádúrtha.   B'fhearr
go mór  údarás   mór  amháin  a bheith ann do limistéar 
Bhaile áta  Cliath (cathair agus contae) a bheadh
ag plé  le plean forbartha don réigiún,   bainistiú 
tráchta,  bóithre  agus seirbhísí   séareachais. 
 I dteannta leis an mórchomhairle  sin d'fheadfaí 
comhairlí  ceantair a bhunú  a phléifeadh  le tithíocht, 
páirceanna  agus saoráidí   agus tionscnaimh eacnamaíocha 
áitiúla.  


Foclóir 
------------------------------------------------------------
lárnaithe,             centralised;
baile fearainn,        townland;
coilíneachas,          colonisation;
ag tathant,            urging;
tathagach,             substandial;
leasú,                 reform;
uathriail,             autonomy;
comhlachtaí  rialtais, government bodies;
cisíocht,              funding;
acmhainní,             resources.