) Print 001716
))) Item number 1716, dated 91/05/23 00:11:00 -- ALL
Date:         Thu, 23 May 91 00:11:00 GMT
Reply-To:     GAELIC Language Bulletin Board (GAELIC-L@IRLEARN)

Sender:       GAELIC Language Bulletin Board (GAELIC-L@IRLEARN)
From:         Sean Mac Suibhne (SMACSUIBHNE@DIT.IE)
Subject:      Alt faoi Cainteanna Brooke.  S. V.  Vol 1 No. 3





( Article about the Brooke talks.


Seo alt eile ón  Socialist Voice.  An léann  aon duine na h-alt seo?  Abair
liom. Nó  an bhfuil siad ródheacair? 

Foclóir  age deireadh


     Nuair a bheas an tréimhse  scáthdhornálaíochta    thart cén 
     straitéis  de chuid Rialtas na Breataine a nochtóidh  ag an
     cainteanna tríthaobhacha  i leith Thuaisceart Éireann  atá  ar
     siúl  agus na línte  seo á  scríobh?  Nó,  tharla go ndúirt  Peter
     Brooke i mí  na Samhna 1990 nach raibh spéis  leithliseach
     straitéiseach  nó  eacnamaíoch  ag Rialtas na Breataine i
     dTuaisceart Éireann  a thuilleadh an mbeadh an rialtas céanna 
     sásta  an Aontacht a threascairt agus cairde na hAontachta
     sna 6 Chontae a thréigint? 

     Cibé  cén  freagra atá  ar an ceisteanna seo, tugann an
     chomharile atá  á  cur ag caomhnaigh agus ag aontachtaithe ar
     Rialtas na Breataine faoi láthair  le fios go bhfuil seans
     níos  fearr ná  riamh ag an rialtas céanna  a leas in Éirinn  a
     chaomhnú  agus a fhorbairt agus go bhfuil bagairt do
     dhaonlathas na hÉireann  folaithe sa tuiscint seo.
     Ag croí  na tuiscinte seo tá  tuiscint eile - go bhfuil
     comhthéacs  fhadhb na 6 Co. ag athrú  go scioptha, agus ar
     dhóigh  an-bhunúsach,  faoi anáil  Chomhphobal na hEorpa.  Agus
     nuair a nascfaidh an chunnel an Bhreatain le Mór  roinn na
     hEorpa ní  bheidh ach oileán  amháin  fágtha  sa CE - muide
     (mura mbeidh an Chipir, a bhfuil iarratas ballraíochta 
     curtha isteach cheana féin  aici, áirithe  mar bhallstát  amach
     anseo).  Beidh lucht gnó  agus lucht talmhaíochta  an dá  stáit 
     in Éirinn  ag coraíocht  leis na míbhuntáistí    céanna  agus ba
     den chríonnacht  é  go ndruidfifís  níos  congaraí  dá  chéile 
     d'fhonn a gcomhleas araon a chosaint faoi na coinníollacha 
     nua.

     Tá  a shliocht air.  Tugadh an fháilte  a chuir lucht gnó  na 6
     Chontae roimh an Taoiseach, Cathal ó  hEochaidh TD, nuair a
     chuir sé  cuairt orthu i mBéal  Feirste anuraidh faoi deara -
     maille le cé  chomh lag agus a bhí  an agóid  a d'eagraigh an
     DUP ina choinne.  Tá  comhoibriú  ar bun cheana féin  idir
     eagráiochtaí   feirmeoireachta agus turasóireachta  an dá 
     stáit.  Mar sin ní  iontas ar bith é  go bhfuil comhairlí  uile-
     Éireannacha  le freastal ar na réimsí   seo ar a laghad á  luadh
     mar chuid de chlár  oibre Rialtas na Breataine acu siúd  atá 
     ag réiteach  an bhealaigh do na bunchainteanna.  Bíodh  is
     nach bhfuil téarmaí   tagartha na gcomhairlí  seo soiléir  go
     hiomlán  ag an bpointe seo, tuigtear go gníomhódh   ionadaithe
     tofa ó  dá  chuid den tír  orthu ar son leas na tíre  uile agus
     le tacaíocht  Rialtas na hÉireann  agus na Breataine araon.
     Is cinnte go mbreathnódh  an pobal i gcoitinne ar a leithéid 
     d'fhorbairt mar chéim  réadúil   i dtreo fhíoraontú   na tíre 
     agus na síochána   dá  réir  sin agus chaithfí  failtiú  roimpi.
     An quid pro quo a bheadh ann de réir  loighic na straitéise 
     seo, áfach,  ná  go reachtódh  Rialtas na hÉireann  reifreann
     chun ár  n-éileamh  bunreachtúil  ar chríocha  na Éireann  uile
     atá  inchollaithe in Ailt 2 agus 3 de Bhunreacht na hÉireann 
     a chealú,  más  féidir.   Ba shaonta an mhaise do lucht cosanta
     Ailt 2 agus 3 a bheith rómhuníneach   as tacaíocht  reatha an
     phobail do na hailt sin agus aontachta na hÉireann  - de
     chineál  éigin  - agus geallúint  na síochána   dá  réir  sin a
     bheith ar na bocáin. 

     Dá  n-éireodh  leis an straitéis  seo shásófaí    páirtithe  na
     hAontachta ó  thuaidh.  ach, dá  gcealófaí   Ailt 2 agus 3
     bheadh seasamh dochoíte  idirnáisiúnta   ag éileamh  na
     Breataine ar fhlaitheas de jure agus de facto a bheith aici
     ar na 6 Chontae. Bheadh svae na nAontachtaithe slán  - agus
     thuigfidís  féin  go seoigh an chaoi a bhfeadfaí  comhairlí 
     uile-Éireannacha  a ionramháil  go polaitúil. 
     Anuas air sin, dá  nglacfadh muintir na Poblachta le ceart na
     Breataine chun an pobal náisiúnaíoch    sna 6 Chontae a rialú, 
     bheadh ceart daonlathach agus náisiúnta   an phobail chéanna  a
     bheith mar chuid de mhóramh  polaitúil  an oileáin  seo á 
     shéanadh  go buan acu.  Dá  mbeadh tús  cadhnaíochta  ag na
     páirtithe  bunreachtúla  i bhfeidhmiú  straitéis  seo na
     Breataine (mar sin a bheadh ann go bunúsach)  bheadh séala  na
     buaine á  bhualadh acu ar fhoréigin,  rud a bhronnfaí  ar an
     glúnta  atá  le teacht.

     Caithfidh daonlathaithe Ailt 2 agus 3 de Bhunreacht na
     Éireann  a chosaint, mar sin - ach léireoidh  sofaistiúlacht 
     cur chuige na Breataine sna cainteanna seo nár  leor
     seanroscanna chuige sin.  Má  tá  an rath le bheith i ndán  don
     chosaint seo ar dhaonlathas na hÉireann  bheadh sé  thar a
     bheith tábhachtach  nach fórsaí   atá  diúltach  agus coimeádach 
     i mbraithstint an phobail a bheadh ina bhun ach
     comhghuaillíocht  leathanbhunaithe de na fórsái   atá 
     ceangailte go feiceálach  in intinn an phobail le doimhnú 
     agus le leathnú  an daonlathais ar an oileán  seo.
     (Scríobhadh  an t-alt seo go luath sa tseachtain.)

     ------------------------------------------------------
     Foclóir 

     Leithliseach,                      particular;
     straitéiseach,                      strategic;
     treascairt,                        overthrow;
     caomhaigh,                         conservatives;
     agóid,                              protest;
     réadúil,                             realistic;
     loighic,                           logic;
     reachtaigh,                        legislate;
     flaitheas.                         sovereignty;
     smachtréim,                         hegemony;
     comhghuaillíocht  leathanbhunaithe, broad alliance.