Is ionann meirge an uachtaráin agus armas na hÉireann i bhfoirm eirre, .i. cláirseach órga ar chúlra gorm. Tá an t-armas seo in úsáid ó aimsir Annraí VIII sa 16ú céad. Cláirseach atá ar caomhnú i gColáiste na Tríonóide - 'cláirseach Bhriain Bhóramha' mar a thugtar uirthi go minic - a roghnaíodh mar shiombail an stáit nuair a bunaíodh Saorstát Éireann, cé nár cláraíodh é go hoifigiúil mar armas an stáit go dtí an 9 Samhain 1945.

Ó chlé go deas: armas na hÉireann; cláirseach Bhriain Bhóramha; agus an sciath a bhíodh crochta os cionn chathaoir an chathaoirligh i bparlaimint na hÉireann anuas go dtí Acht na hAontachta.